08.10.2025 2025 жылғы 8 қазанда «Қазақстандағы үздік 1С пайдаланушысы 2025» конкурсы басталады

 
1С Қазақстан 2025 жылғы 8 қазанда «Қазақстандағы үздік 1С пайдаланушысы 2025» конкурсының (бұдан әрі – Конкурс) басталғаны туралы жариялайды.
 
Конкурсқа ҚР резиденттері болып табылатын жеке тұлғалар – «ПРОФ» деңгейіндегі 1С:АТС Қазақстан пайдаланушылары, «Оңтайлы», «Кеңейтілген», «Бюджет», «БФБ», «1С:Қазақстанға арналған МИБ, ЖС, БК, СК, ПИК 1С:Бухгалтериясы. ПРОФ» тарифтері бойынша 1С:Fresh пайдаланушылары қатыса алады.
 
Алайда, алғашқы іріктеу турына барлық 1С пайдаланушылары қатыса алады.
 
Екінші турға қатысуды жалғастыру үшін қатысушы келесі пайдаланушы болуы керек:
• «ПРОФ» деңгейіндегі 1С:АТС Қазақстан пайдаланушы, немесе
• «Оңтайлы», «Кеңейтілген», «Бюджет», «БФБ», «1С:Қазақстанға арналған МИБ, ЖС, БК, СК, ПИК 1С:Бухгалтериясы. ПРОФ» тарифтері бойынша 1С:Fresh пайдаланушысы.
Егер конкурс қатысушысы осы талаптарға сәйкес келмесе, екінші турға қатысуды жалғастыру үшін көрсетілген қызметтерді 31.10.2025 дейін рәсімдеуі қажет.
 
Конкурсқа қатысушыларды бухгалтерлік және салықтық есепке алу, «1С:Бухгалтерия для Казахстана» («Қазақстанға арналған 1С:Бухгалтерия») бағдарламасы мен 1С сервистерін пайдалану тақырыбындағы тестілеу, кейстер және әртүрлі тапсырмалар күтеді.
 
Конкурсқа қатысуға «1С:Бухгалтерия для Казахстана» («Қазақстанға арналған 1С:Бухгалтерия») бағдарламасы бойынша өз білімін тексергісі, жаңа дағдыларды меңгеріп, 1С сервистері туралы білгісі келетін 1С пайдаланушылары шақырылады.
 
Конкурсқа қатысу – бұл кәсіби дағдыларды тексеру мен жаңа білім алу тәсілі ғана емес. Жанды шығармашылық атмосфераның арқасында қатысушылар іскерлік ортада жаңа адамдармен танысады, пікірлестермен қарым-қатынас жасайды, тәжірибе алмасады және «1С» кәсіпқойларының достық қоғамдастығының бір бөлігіне айналады. Қатысушыларды жаңа адамдармен танысу және әріптестерімен жақсы қарым-қатынас жасау күтеді.
 
Конкурс мынадай үш турда өткізіледі:

• its.1c.kz ақпараттық ресурсында тестілеу түрінде онлайн-форматтағы алғашқы іріктеу туры (2025 жылғы 8 қазан – 2025 жылғы 30 қазан).
• Астана, Алматы, Өскемен, Қарағанды, Петропавл, Көкшетау қалаларында көзбе-көз/офлайн форматтағы екінші тур (болжамды күні – 2025 жылғы 13 қараша, дәл күні Конкурстың сайтында (thebest.1c.kz) көрсетіледі).
• Астана қаласында көзбе-көз/офлайн форматтағы ақтық тур (болжамды күні – 2025 жылғы 11 желтоқсан, дәл күні Конкурстың сайтында (thebest.1c.kz) көрсетіледі).

 
 
Алғашқы іріктеу турының нәтижелері бойынша екінші турға 100-ден кем емес Конкурсқа қатысушы іріктеп алынады.
 
Екінші турдың қорытындысы бойынша финалға 10-нан кем емес Конкурсқа қатысушы іріктеп алынады.
 
Ақтық турдың қорытындысы бойынша 3 жеңімпаз – 1, 2, 3-орын айқындалады.
 
 
КОНКУРСТЫҢ ЖҮЛДЕ ҚОРЫ
 

• 1-орын – бас жүлде: автомобиль және «Қазақстандағы үздік 1С пайдаланушысы 2025» жеңімпазы атағы;
• 2-орын – 800 000 теңге және «Қазақстандағы үздік 1С пайдаланушысы 2025» конкурсының күміс жүлдегері атағы;
• 3-орын – 500 000 теңге және «Қазақстандағы үздік 1С пайдаланушысы 2025» конкурсының қола жүлдегері атағы.

 
 
Конкурсты ұйымдастырушы Қазақстандағы «1С» сауда таңбасының өкілдігі – «ИнфоСофтПром» ЖШС болып табылады. 1С жетекші серіктестері Конкурс өткізілетін орталықтар болып табылады, Өткізілетін орталықтардың тізімі Конкурстың сайтында (thebest.1c.kz) жарияланған.

КОНКУРСТЫ АҚПАРАТТЫҚ ҚОЛДАУ

Конкурсқа қатысушыларды сервистік қолдау konkurs.its@1c.kz e-mail-і арқылы жүзеге асырылады.
Конкурс бойынша егжей-тегжейлі ақпарат https://thebest.1c.kz/ сайтында.
Конкурс туралы ереже сілтеме арқылы.
 
 
КОНКУРСТЫ ӨТКІЗУДІҢ ЖОСПАР-КЕСТЕСІ
(күндер өзгеруі мүмкін, дәл күндер thebest.1c.kz Конкурстың сайтында көрсетілген)

	Басталуы	Аяқталуы
Алғашқы іріктеу туры (онлайн)	2025 жылғы 8 қазан	2025 жылғы 30 қазан
Алғашқы іріктеу турының нәтижелері – екінші турға өткен қатысушыларды айқындау	2025 жылғы 31 қазан	2025 жылғы 4 қараша
Қатысушылардың екінші турына тіркелу	2025 жылғы 4 қараша	2025 жылғы 9 қараша
Екінші тур (өткізілетін орталықтарда көзбе-көз)	2025 жылғы 13 қараша	2025 жылғы 13 қараша
Екінші турдың нәтижелері – ақтық турға өткен қатысушыларды айқындау	2025 жылғы 14 қараша	2025 жылғы 28 қараша
Финал және конкурстың қорытындысын жариялау	2025 жылғы 11 желтоқсан	2025 жылғы 12 желтоқсан